సంపద దరిద్రం

సంపదలు లేక పోవటం దరిద్రం కాదు - దాన గుణం లేక పోవటం నిజమైన దరిద్రం.

======================

@ ముఖం అందంగా లేక పోవటం వికారం కాదు - మనసులో కల్మషాలు ఉండటమే అతి పెద్ద వికారం.

@ నువ్వు కండలు తిరిగిన గండర గండడుగా వళ్లు పెంచటం గొప్ప కాదు - మనసును దృఢంగా, దుఃఖ రహితంగా ఉంచుకోనటం నిజమైన గొప్ప.

@ పది మంది బాగు కోసం ఏమీ చేయకుండా, నువ్వు నూరు సంవత్సరాలు బతకటం గొప్ప కాదు - పది మంది మేలు కోసం నువ్వు ఎంత కాలం బతికినా నిజంగా అది గొప్ప. 

@ ఇల్లు పెద్దదిగా ఉండటం గొప్ప కాదు - మనసు పెద్దదిగా ఉండటం నిజమైన గొప్ప.

@ పిల్లలకు పెద్ద చదువులు చెప్పించటం గొప్ప కాదు - వారికి చదువులతో పాటు, మంచి బుద్దులు నేర్పటం నిజమైన గొప్ప.

@ ఇంట్లో పది మంది పని వాళ్లు ఉండటం గొప్ప కాదు - ఆ పది మంది మనసులో గొప్ప స్థానం పొందటం గొప్ప.

@ బైట వారితో కలుపు గోలుగా ఉండటం అత్త గారి గొప్ప కాదు - ఇంట్లో సొంత కోడలితో కలిసి పోవటం నిజమైన గొప్ప.

@ తల్లిదండ్రుల ప్రేమ పొందటం గొప్ప కాదు - తల్లిదండ్రులతో పాటు, అత్త మామల ప్రేమను పొందటం నిజమైన గొప్ప.

@ నీ ఆస్తులు చూసి, పదవులు చూసి నీకు సత్కారాలు చేయటం గొప్ప కాదు - కేవలం నీ మంచితనం, నీ మానవత్వం చూసి గౌరవిస్తే అది నిజమైన గొప్ప.

@ కుల వేదికలపై నిన్ను కొండంత పొగడటం గొప్ప కాదు - విశ్వ మానవ వేదికపై నిన్ను గౌరవించ టం నిజమైన గొప్ప. 

@ నీకు జ్ఞానపీఠ్ అవార్డు రావటం గొప్ప కాదు - నీ జ్ఞానానికి శీలం పునాదిగా ఉండటం నిజమైన గొప్ప. 

@ దేవుడి ఉత్సవాలకు నువ్వు లక్షలు ఖర్చు చేయటం గొప్ప కాదు - వృద్ధులను, వికలాంగులను, అనాధ పిల్లలను, పేద విద్యార్థులను మానవత్వంతో ఆదుకోవటం నిజమైన గొప్ప.

@ నువ్వు మత విద్వేషాలను రగిలించటంలో పెద్ద నాయకుడిగా ఉండటం గొప్ప కాదు - నువ్వు మత విద్వేషాలను చల్లార్చే శాంతి ప్రబోధకునిగా ఉండటం నిజమైన గొప్ప. 

@ నువ్వు నీ దేశాన్ని మాత్రమే ప్రేమించటం గొప్ప కాదు - సకల దేశాలను తన అంగాలుగా భావించే భూమాతను, ఆ భూమాత బిడ్డలైన విశ్వ మానవులను ప్రేమించటం నిజమైన గొప్ప. 

@ నువ్వు ధర్మం గురించి శతాధిక గ్రంథాలు రాయటం, వేలాది ప్రసంగాలు చేయటం గొప్ప కాదు - వాటికి అనుగుణంగా జీవించటం నిజమైన గొప్ప. 

మైత్రితో

మీ

కృష్ణార్జునరావు,

మంగళగిరి బుద్ధ విహార.

సెల్: 98481 99098.

ది. 05- 12- 2024. 

🌹🌻🌹🌻🌹🌻🌹